MASh-i dhe BZhA-ja nisin debat publik, do të rishqyrtohet koncepti për arsimin fillor

 

“Për shkak të reagimeve të shumta në opinion se integrimi i lëndëve vështirëson zbatimin e mësimdhënies, por edhe të vlerësimit, duke krijuar konfuzion sikurse tek mësimdhënësit, po ashtu edhe te nxënësit, ftojmë të gjithë të interesuarit, ndërsa në veçanti presim proaktivitet nga kuadri mësimdhënës, që të dorëzojnë sugjerimet e tyre më së voni deri më 31 gusht.”, thuhet në kumtesën e MASh-it.

 

Po ashtu nga MASh-i informojnë se kompensimi në të holla  në bazë të masës kundër krizës për mbështetjen e familjeve të nxënësve të shkollave fillore dhe të mesme vazhdojnë të paguhen  në faza edhe gjatë kësaj jave të punës.

 

“Shuma mujore është duke u paguar dhe presim që procesi të përfundojë plotësisht brenda muajit të ardhshëm. Kërkojmë nga qytetarët që të kenë durim, sepse të gjithë ata që i plotësojnë kushtet do t’i marrin mjetet e parashikuara. Javën e kaluar janë kryer pagesat e mbështetjes financiare për muajt shkurt dhe mars për rreth 13 mijë nxënës.”, thuhet në njoftimin e MASh-it, ku shtojnë se janë planifikuar masa cilësore sistematike dhe afatgjate, sepse të rinjtë jenë në fokusin e Qeverisë së re.