Pushteti fillon “luftën” kundër lojërave të fatit, Snopçe: Bixhozi, larg shtëpive

 

“Ekipi ynë i juristëve është i bindur që vendimi për themelimin e tre kompanive të reja për organizimin e lojërave të fatit në internet është plotësisht pabazë ligjore, prandaj presim që Qeveria ta mbështesë këtë siguri ligjore duke dhënë mendimin e duhur nga ku Komisioni juridik ligjvënës do të zbërthejë në një interpretim autentik që do të mundësojë mbylljen e lojërave të fatit në internet, edhe atë, menjëherë. Fillimi i procedurave të duhura gjyqësore për të vërtetuar keqpërdorimet e detyrave zyrtare dhe autorizimet e të gjitha autoriteteve, të cilët kanë marrë pjesë në miratimin e vendimeve të kundërligjshme lidhur me organizimin e llojeve të ndryshme të lojërave të fatit.”, - deklaroi deputeti i koalicionit VLEN, Halil Snopçe.

 

 

Nga Lëvizja “E di”, sërish kanë reaguar ndaj përdorimit të flamurit shqiptar nga politikanët shqiptarë në Qeveri. Zëdhënësi Memov ka njoftuar së këtë çështje e ka ngritur  brenda koalicionit qeveritar dhe do të kërkojnë nga institucionet që të marrin masa për shkelje të ligjit. 

 

“Në bisedimet me VMRO-DPMNE-në për pjesëmarrjen tonë në Qeveri, Lëvizja “E di” ka përcaktuar parimet themelore për funksionimin e Qeverisë. Të gjithë ministrat të punojnë në zbatimin e programit të Qeverisë, t'i përgjigjen vetëm Qeverisë dhe kryeministrit dhe jo të zbatojnë politikat e tyre partiake si më parë. Presim që institucionet e sistemit të bëjnë punën e tyre dhe të marrin masat e duhura për shkeljen e ligjeve, pavarësisht se nga cila anë vijnë.”, - theksoi zëdhënësi i Lëvizjes “E di”, Nikolla Memov. 

 

 

Por, nga koalicioni VLEN thonë se një temë e tillë në Qeveri nuk është diskutuar, ndërsa përkujtojnë  lëvizjen e Dimitrievskit që zgjedhjet kanë përfunduar dhe të lënë anash vokabularin zgjedhor. 

 

“Ne jemi pjesë e Qeverisë së bashku me Lëvizjen “E di”, nënkuptohet dhe VMRO-në, por Qeveria dhe partneriteti është raport forcash, nuk është raport fuqish dhe askush nuk mund të ketë tendencë që të ushtrojë fuqinë ndaj tjerëve, e aq më pak Lëvizja “E di”. Këto janë vetëm faza deklarative, janë dytësore dhe nuk kanë asnjëfarë peshe për ne.”, - u shpreh deputeti i koalicionit VLEN, Halil Snopçe. 

 

Në nenin 2 të ligjit për përdorimin e flamujve të bashkësive në Maqedoninë e Veriut thuhet qartë se bashkësitë me qëllim të shprehjes së identitetit dhe veçorive të tyre, kane të drejtë të përdorin flamurin për shprehjen e identitetit dhe veçorive të tyre.