Janevska: Do të revidohet puna e të gjitha universiteteve

 

“Ky është një proces i gjatë dhe i mundimshëm, por për  gjithçka që ka një raport do të veprohet dhe ne tashmë e kemi bërë. E po, ne kemi këtu për të ashtuquajturin universitet të Merkos, pastaj kemi për një universitet tjetër shtetëror, kemi për një tjetër privat. Sapo të përfundojnë revidimet, do të bëhet publike.”, - deklaroi ministrja e Arsimit dhe Shkencës, Vesna Janevska.

 

Ministrja Janevska edhe një herë konfirmoi se i qëndron deklaratës se do të ketë mbyllje të disa universiteteve që nuk i plotësojnë standardet për zhvillim normal të procesit arsimor.

 

“Unë qëndroj pas deklaratës sime, nëse një universitet nuk i plotëson kushtet për të punuar, do të mbyllet. Shihni se çfarë investimesh po bëjmë që të ketë kushte për punë dhe për përfitimin e njohurive  dhe diturisë dhe nuk do ta lejojmë aty ku nuk ka kushte për të punuar, kjo assesi nuk do të ndodh.”, - theksoi ministrja e Arsimit dhe Shkencës, Vesna Janevska.

 

Në pyetjen se pse kryetari i komunës së Strugës, Ramiz Merko, edhe pse i është hequr leja për hapjen e departamentit në fushën e mjekësisë, ka publikuar një program për studentët që duan të aplikojnë, ministrja Janevska tha se kjo absolutisht nuk është e mundur dhe se do të kontrollohet nga Inspektorati Shtetëror Arsimor dhe Ministria e Arsimit.