Situata me temperaturat e larta dhe zjarret, qeveria shpall 30 ditë gjendje krize

 

“Ministria e Shëndetësisë dhe personeli shëndetësor nga mjekësia e përgjithshme dhe ajo e punës të jenë në gatishmëri gjatë kohëzgjatjes së krizës; Ministria e Punëve të Brendshme është e obliguar të angazhojë forcat policore në funksion të mbështetjes gjatë shuarjes së zjarreve; ndërsa Ministria e Financave obligohet të sigurojë burime financiare të dedikuara si shtesë nëse shfaqet nevoja për këtë;” – thuhet mes tjerash në vendimin e Qeverisë.

 

 

Nga Qendra për Menaxhim me Kriza me raport për situatën aktuale me zjarret.

 

“Në terren përskaj zjarrfikësve lokal edhe nga njësitë territoriale kundër zjarrit si dhe një pjesë nga forcat e pyjeve nacionale, ndihmojnë edhe 100 pjesëtarë nga Armata dhe 30 pjesëtarë nga policia maqedonase. Herët në mëngjes ka flutuar një helikopter policor i cili në mënyrë aktive ka marrë pjesë në shuarjn e zjarrit në malin Serta që shtrihet në tri krahë dhe më vonë i janë bashkangjitur edhe dy helikpterë të armatës”, u shpreh Stojançe Angellov nga Qendra për Menaxhim me Kriza. 

 

 

 

“Gjendja momentale është më e qetë në rrugën drejt fshatit Kavanjë, por ndodhi zjarr tjetër i cili dje filloi në malin Serta. Tash ka marrë hov më të madh. Tash për tash shtëpizat nuk janë kapluar dhe shpresojmë të mbetet kështu brenda ditës”, theksoi kryetari i komunës së Negotinës, Goran Stojanov.

 

Në 24 orët e fundit ishin aktiv 21 zjarre prej të cilave 14 janë shuar. Autoritetet e vendit me thirrje ndaj qytetarëve që të jenë të kujdesshëm në lëvizjet e tyre malore. I nxehti përvëlues do të zgjasë edhe javën e ardhshme, ku më pas sinoptikanët paralajmërojnë ulje të temperaturave.