Gjyqtarët reagojnë ndaj kushtetueses: Iniciativë të re për pagat e gjykatësve

 

“Ky vendim është jashtëzakonisht i rrezikshëm për sistemin juridik, sepse mundëson zbatimin retroaktiv të ligjeve, pa përjashtim. Në atë kuptim, në të ardhmen do të mund të bëheshin manipulime dhe keqpërdorime të shumta në zbatimin e ligjeve që rregullojnë të drejtat dhe detyrimet e të gjithë qytetarëve dhe njëkohësisht do të krijohej pasiguri juridike në dhënien e drejtësisë, e cila është në kundërshtim me angazhimet e RMV-së, si dhe me obligimet e marra ndërkombëtare të shtetit.”, thuhet në reagimin e Shoqatës së Gjyqtarëve.

 

Për Gjykatën Kushtetuese janë të papranueshme pretendimet se po kërcënohet pavarësia e gjyqësorit.

 

“Gjyqtarëve dhe anëtarëve të Këshillit Gjyqësor nuk do t'u zvogëlohen pagat, por do t'u rriten për disa qindra denarë. Ata vazhdojnë të marrin një pagë që i përgjigjet statusit, rolit dhe dinjitetit të tyre dhe gjendja materiale nuk u është përkeqësuar.”, thuhet në sqarimin e vendimit të Gjykatës Kushtetuese.

 

Megjithatë Shoqata e Gjyqtarëve i kërkon Gjykatës Kushtetuese të veprojë në përputhje me kompetencat e saj në të kundërtën, siç thuhet në njoftim, Shoqata do të fillojë procedurë para Gjykatës Evropiane për të Drejtat e Njeriut.