Ministria e Financave prezanton ribalancin e buxhetit, 4.1 miliardë denarë për paga, 5 miliardë për pensione

 

“Me ribalancin janë siguruar 4.2 miliardë denarë për paga, prej të cilave 1.1 miliard denarë për bllok-dotacione, të cilat nuk janë planifikuar në buxhetin themelor. Në disa institucione ishin planifikuar paga vetëm deri në muajin qershor. Janë evidentuar probleme serioze në këtë pjesë të cilat janë si rezultat i qasjes individuale e qeverisë së kaluar për pagat. Prandaj e gjithë kjo kërkon analizë të detajuar dhe sjelljen e vendimeve serioze. 5 miliardë denarë për pensione.”, - deklaroi ministrja e Financave, Gordana Dimitrievska Koçovska.

 

Dimitrieska Koçoska tha se është shqetësues fakti që një numër i madh i ndërmarrjeve shtetërore nuk mund të paguajnë këstet e kredive të garantuara nga shteti, andaj me ribalancin është dashur të përcaktohet një shumë shtesë.

 

“5,1 miliardë denarë do të shpenzohen për borxhet e NP “Rrugët Shtetërore”, NQP-së, Hekurudhave, për shkak se nuk mund t'i paguajnë kreditë për të cilat shteti garanton dhe 600 milionë denarë do të shpenzohen për mbulimin e borxheve nga vendimet gjyqësore.”, - theksoi ministrja e Financave, Gordana Dimitrievska Koçovska. 

 

Ministrja e Financave tha se para do të ndahen edhe për sport, për projektin “TVSh-ja ime”, për subvencione për bujqit, si dhe për libra për të gjithë fëmijët. Me ribalancin e ri të buxhetit, inflacioni parashikohet të jetë rreth 3.5%, kurse rritja reale pritet të jetë rreth 1%.