Shëndetësi, Taravari: Punësime - po, rritje të pagave - jo

 

“Kemi një deficit të madh buxhetor. Shpresoj që të mos ketë shkurtime të mëdha në buxhetin e shëndetësisë, sepse duhet të mbijetojmë dhe ta kalojmë nëntorin e këtij viti. Kam pasur një takim me sindikatat, do ta kem sërish dhe do t'u kërkoj mirëkuptim që ndoshta të arrijmë marrëveshje për vitin e ardhshëm. Këtë vit është praktikisht e pamundur të miratohet një marrëveshje e re kolektive.”, - deklaroi ministri i Shëndetësisë, Arben Taravari. 

 

Megjithatë, ministri i Shëndetësisë theksoi se në periudhën e ardhshme do të ketë punësime në sektorin e shëndetësisë.

 

“Sigurisht që do të ketë punësime. Por, rritje të pagave dhe nënshkrim të një marrëveshjeje të re kolektive me kërkesë të sindikatave është sinqerisht e vështirë të zbatohet deri në fund të këtij viti buxhetor.”, - theksoi ministri i Shëndetësisë, Arben Taravari. 

 

Sindikata e Pavarur e Punëtorëve Shëndetësorë dhe Shoqata e Mjekëve Privatë para një muaji potencuan se kanë disa kërkesa, si rritja e pagave në shëndetësi, zgjidhja e statusit të mjekëve dhe infermierëve, të cilët punojnë dhe nuk kanë sigurim pensional dhe shëndetësor, si dhe anulimi i pensionimit të mjekëve amë.