Arsimimi dual integrohet në universitete, Janevska: Do të shtohet puna praktike

 

“Do të zhvillojmë mundësi shtesë për rritjen e praktikës në universitete në marrëveshje me universitetet, duke respektuar autonominë e tyre sa i përket programeve studimore. Por, përvoja e disa universiteteve që kanë filluar të zbatojnë këtë praktikë tregojnë se e njëjta është tejet e dobishme.”, - theksoi ministrja e Arsimit, Vesna Janevska. 

 

 

Ndërkohë kryetari i Odës Ekonomike, Branko Azeski,  tha se të enjten do të realizojë takim me kryeministrin, Hristijan Mickoski, që të diskutohet për 250 milionë eurot e kredisë hungareze, që  duhet t’i dedikohen biznesit. Kërkesat  e Odës Ekonomike, sipas tij  janë të mos miratohen ligje pa u analizuar, do të kërkohet edhe revidimi i së dielës  si ditë jo pune për çka do të  ftohen edhe sindikatat në dialog. 

 

“Ne nuk na intereson asgjë tjetër përpos të kemi kapital dhe mundësi për plotësimin e aktiviteteve investuese. Qëndrimi ynë është që kjo çështje të mos selektohet, por të vendoset në kuadër të pakos që ka për qëllim përmirësimin e mjedisit për punë.”, - deklaroi kryetari i Odës Ekonomike, Branko Azeski. 

 

Të dhënat e deritanishme bëjnë të ditur se interesim më të madh për arsimim dual kishte te nxënësit e shkollave të mesme, ku sipas rezultateve të regjistrimit pjesa më e madhe prej tyre zgjodhën  arsimimin profesional.