Lindja e Mesme, Hamasi dhe Fatah nënshkruan marrëveshje për unitetin kombëtar

 

“Ne po nënshkruajmë një marrëveshje për unitetin kombëtar dhe po themi se rruga për të përfunduar këtë rrugëtim është uniteti kombëtar.”, - deklaroi zyrtari i lartë i Hamasit, Musa Abu Marzuk.  

 

Fatahu kontrollon drejtorinë palestineze në Bregun Perëndimor. Hamasi, nga ana tjetër, mori pushtetin në Gazë në vitin 2007. Hamasi dhe Fatahu fillimisht u zotuan t'i japin fund rivalitetit të tyre në vitin 2011, por përpjekjet për të formuar një qeveri uniteti kanë dështuar vazhdimisht.

 

“Konsensusi më i rëndësishëm i këtij dialogu në Pekin midis fraksioneve palestineze është të angazhohemi  për pajtim të madh dhe unitet të madh të të 14 fraksioneve. Në fund të fundit është e qartë se Organizata për Çlirimin e Palestinës është përfaqësuesi i vetëm legjitim i popullit palestinez.”, - theksoi ministri i Jashtëm i Kinës, Uang Ji.

 

Përderisa në enklavën palestineze çdo ditë regjistrohen viktima të reja të luftës, parlamenti izraelit miratoi një projektligj që synon mbylljen e Agjencisë së Kombeve të Bashkuara për të ndihmuar për refugjatët palestinezë - UNRVA. Tel Avivi e klasifikon atë si një organizatë terroriste. OKB-ja ka paralajmëruar për një përshkallëzim të konfliktit, veçanërisht pas sulmeve nga Hezbollahu i Libanit dhe Huthit në Jemen.

 

“Rreziku i zgjerimit të konfliktit në Lindjen e Mesme është real dhe duhet shmangur. Një lëvizje e pamatur, një llogaritje e gabuar mund të shkaktojë një fatkeqësi që i kapërcen kufijtë.”, - u shpreh  shefi i Departamentit të Çështjeve Politike në OKB, Rozmari di Karlo.

 

Kryeministri izraelit Netanjahu u takua në Uashington me familjet e pengjeve të mbajtura nga Hamasi, duke sinjalizuar se një marrëveshje armëpushimi mund të marrë formë. Netanjahu është planifikuar të flasë me Bajdenin  dhe t'i drejtohet Kongresit.

 

“Kjo është një vizitë e rëndësishme që do të na japë mundësinë t'u përcjellim përfaqësuesve amerikanë dhe popullit amerikan rëndësinë e mbështetjes së tyre, së bashku me ta, për të arritur lirimin e të gjithë pengjeve. Ne po i bëjmë presion shumë të fortë Hamasit, po shohim një ndryshim të caktuar dhe mendoj se ky ndryshim do të rritet, ky është një objektiv ushtarak.”, - deklaroi kryeministri i Izraelit, Benjamin Netanjahu.  

 

Izraeli dhe Hamasi kanë negociuar për javë të tëra një marrëveshje armëpushimi të mbështetur nga ShBA-ja, që do të ndalonte luftën nëntëmujore dhe do të lironte pengjet që Hamasi mori gjatë sulmit të 7 tetorit.