Kuzeska pretendon se Toshkovski dhe Janushevi kanë banesa në pronën e dhuruar nga sekretari i Qeverisë

 

“A thua vallë përmes skemës së dhënies së dhuratave të dy personat po fshehin një interes të madh biznesor, që sipas tyre opinioni nuk duhet ta dijë. A thua vallë këto persona kanë interesa biznesore të fshehta, e që në fund përfundojnë me dhënien e dhuratave të këtyre patundshmërive të cilat kapin vlerën e mbi 300 mijë euro? Opinioni tanimë e ka të njohur se pikërisht Janushevi tanimë është i dënuar për kriminalitet në rastin me autobusët kinez në vlerë prej 5 milionë eurosh.”, - deklaroi zëdhënësja e LSDM-së, Kuzevska.

 

Ndaj akuzave të LSDM-së, ka reaguar Janushevi, sipas të cilit “nuk bëhet fjalë për kurrfarë toke të falur, por ka të dhëna të futura gabimisht, për të cilat tashmë është bërë një korrigjim nga ana ime. Të njëjtën pronë që posedoj aktualisht, e kam pasur edhe në të kaluarën dhe nëse ka pasur ndonjë problem, Qeveria e LSD-së dhe BDI-së kanë pasur më shumë kohë për të vepruar.”, thotë Janushevi në reagimin e tij.

 

“7 vjet në pushtet kanë qenë banditët e BDI-së dhe LSD-së. 7 vite kanë bërë një proces politik dhe më kanë ndjekur për një rast inekzistent për prokurimin e autobusëve dhe kur kanë mundur të bëjnë një çështje për këtë, sa herë mendoni se do isha burgosur nëse këto do të ishin të vërteta?!”, thuhet në reagimin e sekretarit të Përgjithshëm, Igor Janushev. 

 

Ministri Toshkovski i ka mohuar akuzat e Kuzeskës. Ai siguron se më 4 korrik të këtij viti ka dorëzuar në fletën anketuese gjendjen e pasurisë së tij.

 

“Me përgjegjësi pretendoj se përveç asaj që thuhet në deklaratën e pasurisë, nuk posedoj asgjë tjetër. Ftoj institucionet që të kontrollojnë detajisht pasurinë time, por edhe të çdo zyrtari aktual dhe të dikurshëm, sidomos të atyre që gjithë jetën i ka rënduar buxheti i shtetit.”, ka shkruar Toshkovski në profilin e tij në Fejsbuk. 

 

Toshkovski tha se është koha që e vërteta të dalë në shesh.