Takimi Murtezani – Telatin, diskutohet mbështetja për aderim në BE

 

“Qëllimi kryesor i projektit është procesi efikas dhe efektiv i aderimit të vendit në Bashkimin Evropian, duke dhënë ndihmë të drejtpërdrejtë në përgatitjen e versionit nacional të acquis, përmirësimin e platformës së NPAA-s, ndihmës teknike për harmonizimin e legjislacionit me të drejtën e BE-së dhe përforcimin e kapaciteteve administrative me angazhimin e ekspertëve nacional dhe ndërkombëtarë për MÇE-në dhe institucionet e tjera.”, – thuhet në kumtesë. 

 

Murtezani falënderoi për mbështetjen dhe përkushtimin e vazhdueshëm të zyrës së UNOPS-it në Shkup, për përforcimin e kapaciteteve të Ministrisë për Çështje Evropiane (MÇE) në kontekst në procesin e integrimeve evropian dhe kërkesave që dalin nga ai. 

 

“Ndihma financiare është e rëndësishme, vendimtare për arritjen e qëllimeve të agjendës reformuese në rrugën tonë evropiane.”, – ka thënë Murtezani.

 

Telatin dhe Murtezani kanë rënë dakord se partneriteti mes MÇE-së dhe UNOPS-it është shembull i shkëlqyer i përkushtimit, komunikimit të ngushtë dhe bashkëpunimit gjatë implementimit të projekteve të rëndësisë së veçantë për të ardhmen evropiane të vendit dhe të rajonit.