Marrëdhëniet Serbi – Rusi, Vuçiq: Bashkë do ta shënojmë çlirimin e Beogradit

 

“Ne jemi pajtuar që të përkujtojmë së bashku 80-vjetorin e fitores mbi fashizmin dhe çlirimin e Beogradit. Ne kemi diskutuar për temat e interesit të përbashkët, sidomos në fushat si tregtia, kultura dhe siguria rajonale.”, ka thënë Vuçiqi përmes një postimi në Instagram, pas takimit me ambasadorin rus.

 

Përvjetori i çlirimit të Beogradit nga pushtuesi gjerman shënohet më 20 tetor. Kryeqyteti i Serbisë është çliruar atëherë prej partizanëve jugosllavë dhe Ushtrisë së Kuqe Sovjetike. Serbia është një prej pak vendeve të Evropës që nuk i ka vendosur sanksione Rusisë për luftën e nisur në Ukrainë, në shkurt të vitit 2022.