Jashari për vizitë pune në Tiranë
Ministri i Drejtësisë së Maqedonisë, Adnan Jashari, pritet të zhvillojë sot një takim me homologun e tij shqiptar Nasip Naço, njofton ATSH-ja...
Gjatë takimit, që pritet të nisë sot në mesditë në ambientet e Ministrisë së Drejtësisë së Shqipërisë, mësohet se palët do të diskutojnë mbi projektet e përbashkëta në fushën e drejtësisë.
Gjithashtu, dy ministrat do të diskutojnë mbi mundësinë e forcimit të bashkëpunimit mes palëve, si dhe do të diskutojnë mbi gjëndjen e drejtësisë në vendet respektive, teksa në orën 13:00 pritet të ketë dhe një deklaratë për shtyp nga ana e të dy Ministrive.
Ky është takimi i tyre i dytë pas vizitës në fund të vitit të kaluar të ministrit shqiptar të Drejtësë në Maqedoni, ku pati takim me homolgun e tij Jashari.