Zjarri në Sveti Nikollë shkaktoi dëme të mëdha në prona

Zjarret që përfshinën rajonin e Sveti Nikollës, kanë shkaktuar dëme të mëdha në pronat e banorëve.

Kështu ka njoftuar kryetari i kësaj komune, Dejan Vlladev, në profilin e tij në "Facebook".

Ai thotë se zjarre ka pasur në fshatrat Orel, Nemanjici, Malino, Erxhelia, Delisenci e vende të tjera.

“Në shuarjen e zjarrit kanë marrë pjesë zjarrfikës nga Sveti Nikolla, Velesi, Shtipi, Negotina, Kavadari, URM, helikopterë dhe shumë vullnetarë të cilët me vetëmohim kanë shuar zjarret gjatë gjithë ditës. I falënderoj nga zemra për këtë. Lufta do të vazhdojë edhe gjatë natës”, thotë ai.

Sipas QMK-së, sot në territorin e shtetit ka gjithsej 42 vatra zjarri të hapura, nga të cilat 17 janë aktive dhe 4 janë nën kontroll.