“ISOT” e ngërçit në ansambël: VLEN akuzon BDI-në, Tolaj sulmon Besën dhe punëtorët

 

 

Ai akuzon partinë Besa se ka kërcënuar  ish punëtorët e Ansamblit Shqiptar se “për të siguruar vend pune, do dilni jo vetëm të kërkoni vend pune dhe të ktheheni me ne partiakisht, por të shani Qeverinë e kaluar dhe drejtorin, i cili duhet të pastrohet një ditë e më parë” .  Drejtori Tolaj madje ka akuzuar edhe disa media për siç thotë ai, krijim të kësaj fushate të paskrupullt.

 

“Pas tërë kësaj cirkuziade është partia “Besa” dhe zëvendësministri i kulturës i cili në takim me të më ka potencuar “do bëhet e madhe- jep dorëheqje”. Ia kam thënë e po ia përsëris- le të bëhet kiameti, unë nuk i frikësohem as inspeksioneve, po as akuzave të një grupi të punëtorëve që kanë interesa personale mbi baza të politikave ditore!- shkruan Tolaj.

 

 

“Koalicioni VLEN, si pjesë e qeverisë, dënon ashpërsisht veprimet e drejtorit të Ansamblit të Këngëve dhe Valleve Shqipe, Shkodran Tolaj. Ai kishte mundësinë të zgjidhë statusin e artistëve, por zgjodhi të ndjekë të njëjtën rrugë të paaftësisë dhe neglizhencës si çdo institucion tjetër që udhëhiqet nga BDI dhe satelitët e saj. I bëjmë thirrje edhe Prokurorisë Publike që të hyjë në këtë institucion dhe të sheh nëse ka skelje edhe më të mëdha të punës së tij.” – thuhet në Kumtesën e VLEN-it.

 

Përveç akuzave dhe kundërakuzave akoma nuk ka përgjigje për zgjidhjen konkrte për punësimet e 33 artistëve të ngelur në rrugë. Ministria e Finansave ende nuk ka një përgjigjepër problemin në fjalë.