Rusia sulme me dron e raketa në Ukrainë, Ukraina vazhdon sulmet brenda teritorit rus

Rusia ka vazhduar sulmet me dronë dhe raketa në Ukrainë, por mbrojtja ajrore e Ukrainës ka rrëzuar të 14 dronët që Rusia lëshoi gjatë natës, bën të ditur ushtria ukrainase. Dronët Shahed – të prodhimit iranian – u rrëzuan mbi gjashtë rajone ukrainase, përfshirë mbi zonat afër kryeqytetit ukrainas, Kiev, thuhet në njoftimin e Forcave Ajrore ukrainase të publikuar në Telegram. Ushtria ukrainase tha po ashtu se dronët u lëshuan nga rajoni rus i Kurskut, rajon në të cilin që nga 6 gushti, ka filluar depërtimin ushtria ukrainase. Deri më tani, ushtria ukrainase thot se ka marrë nën kontroll 82 vendbanime të Kurskut.