Novi Pazar, vritet nga policia serbe Sedan Ramoviq-Becan

 

Ministri serb i Punëve të Brendshme, Ivica Daçiq, tha se Sedan Ramoviq-Becan është “likuiduar”, në fshatin Hotkovo, afër Novi Pazarit, pasi i kishte rezistuar arrestimit. 

 

“Ramoviq refuzoi të dorëzohej dhe qëlloi dy-tre plumba drejt policisë gjatë operacionit të arrestimit”, tha Daçiq.

 

Ministria e Brendshme serbe tha se Ramoviq ishte në arrati pas sulmit, që Serbia e cilëson terrorist, pranë Ambasadës izraelite në Beograd në qershor. Më herët, autoritetet serbe paten deklaruar se Ramoviq ishte qiradhënësi i Millosh Zhujoviq, i cili më 29 qershor plagosi me shigjetë një polic që po ruante ndërtesën e Ambasadës izraelite. Roja ishte kundërpërgjigjur duke e vrarë sulmuesin.