Maqedoni
Durmishi takim me ambasodorin turk Ulusoj
19.08.2024 15:49
Ministri i Ekonomisë dhe Punës Besar Durmishi ka takuar ambasadorin turk, Fatih Ulusoj....
Ministri i Ekonomisë dhe Punës Besar Durmishi ka takuar ambasadorin turk, Fatih Ulusoj.
Siç bëjnë të ditur nga kabineti i tij Ministri Durmishi dhe Ambasadori Ulsoj diskutuan për bashkëpunimin ekonomik mes dy vendeve dhe mundësitë për thellimin e tij në periudhën e ardhshme.
“Republika e Turqisë është ndër partnerët tanë më të rëndësishëm tregtarë dhe një vend që vazhdimisht investon në ekonominë maqedonase në sektorë të ndryshëm si partner strategjik investues. Të dhënat e shkëmbimit tregtar tregojnë se Republika e Turqisë vitin e kaluar është renditur në vendin e 7-të në listën e vendeve me të cilat Republika e Maqedonisë së Veriut realizon vëllimin më të madh të shkëmbimit tregtar. Shpresoj që në periudhën e ardhshme ky bashkëpunim të thellohet në mënyrë plotësuese”, ka theksuar ministri Durmishi në takimin.
Ai njëherit ka theksuar se Ministria e Ekonomisë dhe Punës në periudhën e ardhshme do të përqendrohet në mbështetjen e kompanive vendore, por edhe të huaja që punojnë në vend, si dhe mbështetjen dhe zhvillimin e tregut të punës, si kompetencë e re që do ta marrim përsipër.
“Ministria e Ekonomisë dhe Punës dhe unë si ministër do të punojmë në periudhën e ardhshme në krijimin e kushteve për intensifikimin e bashkëpunimit mes bizneseve nga të dyja shtetet, me qëllim të rritjes së shkëmbimit tregtar”, ka theksuar ministri Durmishi.