Beteja të ashpra në territorin Rus, Kievi përparon më tej në Kursk

 

“Arritëm rezultate të mira dhe të nevojshme në shkatërrimin e pajisjeve ruse pranë Toretsk-ut: për të shkatërruar sa më shumë potencial luftarak rus dhe për të kryer veprime maksimale kundërsulmuese, kjo përfshin krijimin e një zone tampon në territorin e agresorit – operacionin tonë në rajonin e Kurskut. Shteti rus, kompleksi i tyre ushtarako-industrial dhe ekonomia e tyre ndihmojnë në parandalimin e zgjerimit të luftës dhe na sjellin më pranë drejt fundit të këtij agresioni – një paqe të drejtë për Ukrainën.”, tha presidenti i Ukrainës , Volodimir Zelenski.

 

Ushtarët ukrainas të entuziazmuar që kanë shkelur në tokën ruse, pas dy vite e gjysëm të agresionit ushtarak në Ukrainë.

 

“Gjëja e parë që bëra ishte qëllova në ajër kur ishim në tokën ruse. Vërtetë kisha një dëshirë të flakt që ta bëja këtë, prandaj qëllova në ajër nga gëzimi.”, u shpreh një ushtar ukrainas.

 

Shkatërrimi i urës mund të pengojë rëndë aftësinë e Rusisë për të sjellë automjete të blinduara dhe pajisje të tjera thelbësore përtej lumit Seym për të kundërshtuar inkursionin ukrainas. Beteja luftarake janë duke u zhvilluar edhe në Ukrainën veriore, në fshatin Bilopillya, afër kufirit rus në rajonin Sumy. 

 

“Rusia ka lëshuar bomba në drejtim Bilopillya-së, pati dy goditje. Njëri prej tyre në kullën e Televizionit, dhe tjetra, siç mund ta shihni, direkt në ndërtesën e banimit ku jetonte familja - baba e bijë. Babai ka lindur në vitin 1991 dhe vajza në 2012 - ajo është 12-vjeçare. Babai ka vdekur, dhe vajza është në gjendje të rëndë në spital. Ajo është pa ndjenja.”, tha kryebashkiaku i Bilopillya, Yuri Zarko.

 

Moska akuzon perendimit për operacioni në rajonin e Kurskut, duke pretenduar se është planifikuar me pjesëmarrjen e NATO-s dhe shërbimeve speciale perëndimore. Është hera e parë që trupat e huaja kanë pushtuar dhe mbajtur territorin rus që nga nga Lufta e Dytë Botërore, kur Gjermania naziste pushtoi pjesë të mëdha të Rusisë.