Takimi historik, kryeministrit Kurti me drejtorin e CIA-s Burns

 

“Vizita e drejtorit Burns përfaqëson një moment të rëndësishëm historik në marrëdhëniet tona, ku u theksua përkushtimi i Qeverisë dhe institucioneve të sigurisë dhe inteligjencës së Kosovës, me në krye AKI-në, për të avancuar bashkëpunimin me CIA-n. Kryeministri Kurti e falënderoi Drejtorin e CIA-s për mbështetjen e vazhdueshme dhe shprehu përkushtimin për thellimin e bashkëpunimit në fushat me interes të përbashkët, duke e njoftuar atë që vlerat amerikane, që ndërlidhen me demokracinë, sundimin e rendit dhe ligjit dhe orientimet e palëkundura Euroatlantike, do të mbeten shtyllat qendrore të qeverisjes së mirë e demokratike në Kosovë”, shkruhet në njoftim. 

 

Gjatë ditës së djeshme Burns u takua me presidenten e Kosovës, Vjosa Osmani, dhe me shefin e Agjencisë së Kosovës për Inteligjencë, Petrit Ajeti. Presidentja Osmani në një postim në Facebook ka shkruar se aleanca me Shtetet e Bashkuara është garanci për siguri, paqe e sukses.

 

“Kënaqësi që mirëprita dje në Republikën e Kosovës Shefin e Agjencisë Qendrore amerikane të Inteligjencës (CIA), Ambasadorin William Burns. Aleanca me Shtetet e Bashkuara është garanci për siguri, paqe e sukses”, shkruan ajo në Facebook.