Talebanët e shpallën fillimin e ofensivës pranverore në Afganistan

Përmes një komunikate të dërguar mediave me postë elektronike, talibanët njoftojnë se "ofenziva do të niset më 24 prill me emrin 'Azm' (përkushtim) në orën 5 të mëngjesit".

Caku kryesor i kësaj ofenzive do të jenë "okupatorët e huaj, veçanërisht bazat ushtarake".

Forcat e sigurisë së Afganistanit janë duke luftuar kundër talebanëve pas tërheqjes së shumicës së forcave të huaja nga ky vend.

Misioni i ri i NATO-s, i nisur më 1 janar, fokusohet kryesisht në trajnimin e forcave afgane të sigurisë.