Blerjet e ish-ministres së Kulturës në Londër, Lutkov: Një grup pune do të kontrollojë shpenzimet

 

“Atje ka raport se çka është harxhuar dhe si është shpenzuar. Një grup pune është formuar për të zhbllokuar proceset për mbrojtjen e trashëgimisë kulturore, sepse kemi pasur mjete, por nuk i kemi shfrytëzuar. Pse nuk janë shpenzuar, pse nuk janë shpallur tenderë?! Është bërë dëm i madh. Mund të kemi pasoja të mëdha në disa procese që i ka ndërmarrë ish-ministrja në dy vitet e fundit. Ka shumë abuzime, jo vetëm në pjesën e shpenzimit të parave të njerëzve në kartën zyrtare, por ka abuzime të mëdha dhe aktivitete të paligjshme edhe në pjesën e investimeve kapitale.”, - deklaroi ministri i Kulturës dhe Turizmit, Zoran Lutkov. 

 

 

Nga pallati i bardhë nuk kanë të ndalur akuzat ndaj ish-ministres së Kulturës. Deputeti Lefkov publikoi raportin mujor për kartelën “Visa Business” në pronësi të Ministrisë së Kulturës, por e  lëshuar në emër të Bisera Konstadinovska-Stojçevska. 

 

“Bisera Antoaneta, je kapur  në flagrancë, se si me paratë e shtetit bleve valixhe, arusha pelushi, geta dhe çorape. Për 4 ditë janë shpenzuar 700 funte për këtë qëllim.”, - theksoi Mile Lefkov nga VMRO-DPMNE. 

 

Shpenzimet e ish-ministres së Kulturës do të hetohen edhe nga Komisioni për Parandalimin e Korrupsionit, pasi e njëjta ka hapur lëndë për të dhënat për keqpërdorim të buxhetit. Ndërsa ditë më parë Kostadinoska Stojçevska tha se nëse dëshmohen keqpërdorime nga ana e saj do të përgjigjet për këtë, por sipas saj nëse ndodh e kundërta VMRO-ja do të përballet me padi.