Sulme të ashpra ruse në të gjithë Ukrainën, Zelenski paralajmëroi një përgjigje

 

“Secili prej këtyre sulmeve na kthen në mënyrë të përsëritur në detyrën e aftësive me rreze të gjata – nevoja për t'i siguruar forcave tona armë të mjaftueshme që mund të shkatërrojnë terroristët pikërisht në zonat e sulmeve të tyre.”, - deklaroi presidenti ukrainas, Volodimir Zelenski. 

 

Dënimi i bombardimeve ruse erdhi nga Shtëpia e Bardhë. Ata thonë se sulmet janë një lojë klasike e Putinit. Kreu i Ministrisë së Jashtme ruse thotë se përpjekjet e Ukrainës për të bindur vendet perëndimore të përdorin armë të huaja kundër qyteteve ruse janë shantazh.

 

“Ky është shantazh, kjo është një përpjekje për të pretenduar se Perëndimi dëshiron të shmangë përshkallëzimin e tepruar. Megjithatë, Perëndimi nuk dëshiron të shmangë përshkallëzimin dhe mua më duket se kjo tashmë është e qartë për të gjithë.”, - theksoi kreu i diplomacisë ruse, Sergej Lavrov.

 

Ndërkohë, Kina u ka bërë thirrje sa më shumë vendeve që të mbështesin planin e saj të paqes për Ukrainën.

 

“Të gjitha palët janë të shqetësuara se Perëndimi vazhdon t’i përmbush kushtet që Ukraina të pushtojë territorin rus. Ne besojmë se me më shumë njerëz që i bashkohen thirrjes, do të ketë më shumë shpresë për de-përshkallëzimin dhe perspektivat për paqe do të jenë më të ndritshme.", - u shpreh i dërguari special i qeverisë kineze për çështjet euroaziatike, Li Hui.

 

Një vit më parë, Kina paraqiti një dokument 12-pikësh që përshkruan parimet për përfundimin e luftës. Deri më tani, iniciativat e paqes janë paraqitur nga Hungaria dhe Turqia dhe me iniciativën e presidentit ukrainas është mbajtur një konferencë paqeje në Zvicër, në të cilën nuk ka pasur përfaqësues nga Rusia.