Australia po përjeton stuhi të ashpër natyrore
Mësohet se rreth 100 persona janë shpëtuar nga përmbytjet që ndodhën në Sidnej, ndërsa stuhitë po vazhdojnë të godasin bregun lindor të Australisë...
Tre të moshuar u gjetën të vdekur të martën më 21 prill në Dungog, në veri të Sidnejit, pasi shtëpitë e tyre u shkatërruan nga përmbytjet. Nga stuhia e pamëshirshme, rreth 200 mijë shtëpi në të gjithë shtetin janë pa energji elektrike.
Agjencia australiane e Motit ka paralajmëruar për shira më të dendur dhe erëra të forta në vijim. Byroja Meteorologjike tha se era arrin një shpejtësi deri në 100 km/h dhe se shtrëngata të tjera do të godasin zona të tjera në Sidnej dhe në qarkun e Ilawaras. Shiu që pritet të bjerë në 24 orët e ardhshme, nuk mendohet të jetë parë në shekullin e kaluar. Në veri të Sidnejit është bërë lajmërimi për një evakuim të mundshëm të banorëve.
Kryetari i Bashkisë së zonës, Michael Regan, tha për BBC-në se nuk e kishin parë një gjendje të tillë kurrë më parë. “Përveç shiut janë edhe erërat ato që kanë shkaktuar dëmet më të mëdha”.