Fillimi i vitit të ri shkollor, Janevska: Tekstet shkollore janë të shpërndara

 

“Publiku u manipulua. Pretendohej se janë miratuar dhe shtypur tekstet e klasës së shtatë, e vërteta është se nga këto tekste për klasën e shtatë janë miratuar vetëm 2 tekste, shqip dhe turqisht, ndërsa për pjesën tjetër nuk ka filluar as procedura dhe ndërsa të tjerat nuk kanë përfunduar”, u shpreh ministrja e Arsimit dhe Shkencës Vesna Janevska.

 

Ajo thekson se vetëm arsimit fillor do t'i mungojnë tekstet e gjuhëve të huaja nga klasa e parë deri në klasën e 9-të për shkak të, siç tha ajo, anulimit të furnizimit publik nga udhëheqja e mëparshme për të cilën është në vazhdim faza e ankimimit.

 

Mësimi me një turn do të zhvillohet në 140 shkolla në vend, por numri mund të rritet në varësi të asaj që tregojnë analizat e Ministrisë së Arsimit.Në shkolla të caktuara për shkak të mos përfundimit në kohë të rikonstruimit apo furnizimit të paisjeve shkollore,mësimi do të zhvillohet edhe online.

 

Risi për këtë vit është se nuk do të ketë pushim pranveror . Viti i ri shkollor fillon me 245 mijë nxënës të shkollave fillore dhe të mesme, 17 mijë më pak në krahasim me 7 vitet e fundit.