QMK: Po përballemi me 4 zjarre aktive

Nga 32 zjarre në ambiente të jashtme, 27 janë shuar, një është vënë nën kontroll dhe katër janë aktive, njofton Qendra për Menaxhimin e Krizave.

Nga aty thonë se zjarret janë në komunën e Çashkës në malin Mukos afër fshatrave Stepanc, Omoranë dhe Oraov i Poshtëm; në komunën e Prilepit te fshatrat Peshtani, Kokre dhe Kalen; në komunën e Shtipit afër fshatrave Haxhi Hamzalit, Edekrelc dhe Toplik; në afërsi të poligonit Krivolak dhe në komunën Çuçer Sandevë, afër fshatit Tanushë.

Zjarri në fshatin e Demirhisarit, Vardinos është vënë nën kontroll.

Në rajonin e Shkupit janë shuar disa zjarre, si në komunën e Sopishtës afër fshatit Jabollcë; në komunën e Gjorçe Petrovit afër fshatit Kuçkovë; në komunën e Butelit afër rrugës së Kaçanikut dhe në afërsi të fshatit Luboten në dy vende, si dhe në komunën e Gazi Babës pranë fshatit Jurumleri.