Kievi kërkon të përdorë raketa me rreze të gjata veprimi

 

“Ne nuk dëgjuam as zërin e raketave, vetëm një shpërthim. Disa fëmijë filluan të iknin dhe tani dëgjuam se mbesa, nëna dhe një fëmijë tjetër i miqve tanë vdiqën dhe njëri është në terapi intensive.", - tha banorja e Zaporozhjes, Alina. 

 

Pas intensifikimit të ofensivës ruse në frontin lindor, Kievi përsëriti kërkesën drejtuar Shtëpisë së Bardhë për përdorimin e raketave me rreze të gjatë veprimi më thellë në territorin rus dhe mori një përgjigje nga presidenti Bajden.

 

"Unë e kam bërë të qartë se çfarë mund dhe çfarë nuk mund të mbështesim.", - theksoi presidenti i ShBA-së, Xho Bajden. 

 

Ukraina u ka kërkuar aleatëve të saj në NATO dhe BE që të lejojnë përdorimin e raketave me rreze të gjatë veprimi në territorin e agresorit rus. Ndërkohë presidenti rus vizitoi Mongolinë ku nënshkroi marrëveshje për bashkëpunim ekonomiko-mbrojtës, i cili sipas tij mbron në mënyrë strategjike pjesën e brendshme të Lindjes së Largët ndaj Japonisë dhe aleatëve perëndimorë. 

 

“Me këtë kemi arritur një dialog të qëndrueshëm midis krerëve të qeverive, parlamenteve, organizatave publike dhe në fushën e sigurisë.”, - u shpreh presidenti i Rusisë, Vladimir Putin. 

 

Putini e ftoi Gurelsukun në 80-vjetorin e fitores ruso-mongole mbi Japoninë në Luftën e Dytë Botërore. Më herët diplomacia ukrainase ka kërkuar nga Ulan Bator arrestimin e kreut të Kremlinit, për shkak të aktakuzës së Gjykatës Penale Ndërkombëtare për krime lufte. Mongolia nuk iu përgjigj kërkesës. Opozita ruse në Egzil është në të njëjtën linjë me Kievin.