Raketat hipersonike ruse mbi Lviv, viktima dhe të lënduar, pezullohet mësimi

Forcat ruse ndërmorën një sulm të ashpër gjatë natës kundër qytetit ukrainas të Lviv, në perëndim të vendit, me raketa hipersonike “Kinzhal”.

Lajmin e konfirmoi kryebashkiaku Andri Sadovi, i cili tregon se shpërthime të forta u dëgjuan në qytet pas alarmit për sulm ajror.

“Raketat Kinzhal mbi Lviv – shkroi kryebashkiaku në rrjetet sociale – Mbrojtja ajrore është në veprim. Mos bëni video! Qëndroni të sigurt!”. “Ndërtesat e banimit janë në flakë në zonën e stacionit kryesor të trenit”, - shtoi Sadovi.

Paraprakish u raportua për të paktën 3 viktima nga këto sulme dhe shumë të lënduar, teksa autoritetet lokale vendosën që mësimi të pezullohet në disa shkolla.