Izrael, pas vrasjes së pengjeve mblidhet Këshilli i Sigurisë

 

“Kryeministri nuk e shikoi publikun në sy dhe nuk e tha të vërtetën, se nuk do t'i kthente të gjallë pengjet, nuk do të mbronte vërtet korridorin jugor dhe nuk do t'i kthente njerëzit e veriut në shtëpitë e tyre dhe ai nuk e ndalon Iranin të merrte armë bërthamore.”, - deklaroi lideri i Partisë së Unitetit Kombëtar, Beni Gantz.

 

Vrasjet e pengjeve nënvizojnë urgjencën e negociatave të armëpushimit, vlerëson Shtëpia e Bardhë.

 

"Finalizimi i marrëveshjes do të kërkojë që të dyja palët të tregojnë fleksibilitet. Ne jemi shumë të qartë në qëndrimin tonë për mundësinë e pranisë izraelite në Gazë, që është se jemi kundër. Në propozimin e urës që ne parashtruam, qeveria e Izraelit ra dakord për largimin e ushtrisë nga zonat me popullsi të dendur, si dhe nga korridori i Filadelfias në fazën e dytë të marrëveshjes së pengjeve.", - theksoi zëdhënësi i Departamentit të Shtetit, Metju Miller.

 

Në fillim të kësaj jave, kreu i forcave të armatosura, Herzi Halevi, vizitoi tunelin në Rafah, ku u gjetën trupat e 6 pengjeve të vrara, ngjarje e cila nxiti një valë protestash dhe një grevë. Protestat në Tel Aviv kundër Netanjahut përfunduan me përleshje me policinë.