PBV-ja shënon rritje prej 2.3% në tremujorin e dytë në RMV

Aktiviteti ekonomik në RMV u përshpejtua në tremujorin e dytë të vitit. Sipas të dhënave të vlerësuara të Entit Shtetëror të Statistikave, ritmi i rritjes së produktit bruto vendor në periudhën prill-qershor është 2,3 %.

Kjo është rritja më e lartë e PBV-së që nga fillimi i krizës energjetike në vitin 2022. Më pas PBV-ja u rrit me 2.2 % dhe vitin e kaluar u ngadalësua në 1 %. Në tremujorin e parë të këtij viti rritja ishte 1.2 %.

Rritjen më të madhe në tremujorin e dytë e ka shënuar sektori i artit, argëtimit dhe rekreacionit (9.5 %), i ndjekur nga aktivitetet profesionale, shkencore dhe teknike (8.7 %).