Balancuesi, VLEN: Do të sjellim ligj të ri për përfaqësim të drejtë

 

“BDI-ja, me një histori të gjatë abuzimesh, ka keqpërdorur institucionet shtetërore për të manipuluar qytetarët shqiptarë. Duke i trajtuar shqiptarët si “vota” dhe jo si qytetarë që meritojnë dinjitet dhe mundësi të barabarta, kjo parti ka penguar zhvillimin profesional të shqiptarëve në administratën publike. Koalicioni VLEN në vend të “balancuesit” do të sjellë një Ligji të ri për përfaqësim të drejtë dhe adekuat, i cili do të garantojë barazi të plotë dhe përfaqësim të drejtë për të gjitha komunitetet etnike.”, thonë nga VLEN-i.

 

LSDM-ja opozitare akuzon Qeverinë e Mickoskit se ka thyer një tjetër premtim të dhënë para zgjedhjeve e kjo është çështja e balancuesit.  Sipas socialdemokratëve, në vend që ta shfuqizohet balancuesi, siç e ka premtuar DPMNE-ja, tani do të ketë balancues të përmirësuar dhe të zgjeruar, aplikimi i të cilit do të jetë përgjegjësi e Kuvendit dhe do të menaxhohet nga BDI-ja. Ndërsa nga BDI-ja për ndryshimin e balancuesit disa herë kanë reaguar duke thënë se dënojnë ashpër vendimin e Qeverisë për të ndryshuar formulën e “balancuesit”. Sipas integristëve, këtë veprim e shohin si një përpjekje për të ulur ndikimin dhe pjesëmarrjen e shqiptarëve në jetën publike dhe institucionale të vendit.