Kuvendi i Shqipërisë, debat i ashpër rreth migrimit

Kryeministri, Edi Rama, dhe paraardhësi i tij, Sali Berisha, tashmë një deputet i thjeshtë i PD-së, i kanë shpjeguar në këndvështrimet e tyre shkaqet e eksodit.

Sipas kryeministrit, ky fenomen vjen për shkak të keqkuptimit të shqiptarëve dhe jo për arsye ekonomike. Por krejt ndryshe është shprehur Berisha, i cili thotë se njerëzit nuk kanë bukë të hanë dhe se eksodi është shenjë e kapitullimit të shtetit.

Ndërkohë, lideri demokrat, Lulzim Basha, ka nisur një seri vizitash në fshatrat e prekur nga eksodi, duke i bërë thirrje që të mos ikin jashtë shtetit, por të votojnë kundër të majtës më 21 qershor. (Luljeta Ndoka, TVM2)