Partitë e bllokut shqiptar reagojnë për shqyrtimin e “Balancuesit”

 

Vendimi është frymëzuar nga nevoja e dukshme e strukturave kriminale të pushtetit të kaluar për të krijuar probleme ndëretnike dhe për të destabilizuar marrëdhëniet e brendshme në vend, theksuan nga koalicioni  VLEN. Nga ky koalicion  kanë bërë të ditur se po punohet për një ligj të ri për zgjidhjen e çështjes së përfaqësimit të drejtë. 

 

Ndaj këtij vendimi ka  reaguar edhe nënkryetari i BDI-së, Arbër Ademi, sipas të cilit ajo që ndodhi në Gjykatën Kushtetuese është vetëm një realizim i thjeshtë i premtimeve dhe angazhimeve programore të VMRO-DPMNE-së. Roli i VLEN-it është ai i spektatorit që ka frikë se mos i ulet dikush në vend të tij pavarësisht se një nga një po anulohet çdo e arritur e shqiptarëve, theksoi Ademi. Sipas tij, anëtarët shqiptarë u mbivotuan. Gjyqtarët ishin të ndarë sipas vijave etnike. “Balancuesi” u pezullua. Nuk ka më punë për shqiptarët, ka theksuar në reagimin e tij nënkryetari i BDI –së, Arbër Ademi.