Deficiti i kuadrove në klinika, pritet angazhimi i specializantëve privatë

 

“Me punësimin e planifikuar të mbi 1.000 personave në sektorin e shëndetësisë, që tani janë të angazhuar me kontratë, do të hapet mundësia e kontratave të reja, për shkak të deficitit të madh të stafit shëndetësor.”, - deklaroi ministri i Shëndetësisë, Arben Taravari.

 

 

Taravari duke iu përgjigjur pyetjes së gazetarit se çfarë do të ndodhë me spitalet modulare që janë ndërtuar gjatë pandemisë së KOVID-19 në 16 qytete, Taravari tha se ka vendim prej Qeverisë që spitali modular të merret nga Ministria e Mbrojtjes, por gjithashtu paralajmëroi shqyrtimin e mundësisë që spitali modular t’i jepet burgut të Idrizovës.

 

“Për spitalin modular të Klinikës Infektive tashmë ka një vendim të Qeverisë me të cilin Ministria e Mbrojtjes duhet ta marrë atë spital. Ka një ide tjetër, sepse për burgun e Idrizovës duhet spital. Tani jemi në dilemë nëse do ta transferojmë atë spital modular atje për të shërbyer si ambulancë. Në korrik, spitali modular pranë Klinikës Infektive në Shkup do të hiqet dhe në atë vend do të ndërtohet sallë leximi për studentët e Fakultetit të Mjekësisë.”, - theksoi ministri i  Shëndetësisë, Arben Taravari.

 

Ministri i Shëndetësisë, Taravari, sot vizitoi spitalin klinik në Shtip, i cili gjithashtu përballet me mungesë të kuadrove në të gjitha repartet. “Gjendja më alarmante është në Anestezion, Gjinekologji, gjithashtu mungojnë edhe shumë kirurgë të përgjithshëm dhe internistë.”, tha drejtori i spitalit të Shtipit Zahariev.