Filloi gjykimi për vrasjen e Vanjës, Prokuroria: Pallço vrau 14-vjeçaren, Vanja

 

 

Të gjithë të pandehurit u deklaruan të pafajshëm për veprën penale vrasje, që u ngarkohet atyre. Avokati i Aleksandar Gjorgievskit, Vladimir Tufegxhiq, vlerëson se babai i së ndjerës, në këtë rast është viktimë dhe i dëmtuar. Adreson disa lëshime gjatë procedurës hetimore dhe grumbullimit të provave. 

 

“Unë i qëndroj asaj se Aleksandri është viktimë, ai është i dëmtuar në këtë procedurë gjyqësore. Dëshmoj se çdo prind, të cilit do t’i ndodhte kjo gjë, do t’i ndërmerrte të gjitha veprimet, që edhe Aleksandri i ka ndërmarrë, respektivisht do të kishte filluar pra, të shkonte në drejtim të kryerjes së hetimeve të tij vetanake. Në fund të fundit, ju jeni dëshmitarë se aktakuza e ngritur po bazohet në provat që i ka siguruar vetë Aleksandari edhe atë me leje dhe pajtim të shërbimeve policore, ku edhe unë si avokat mbrojtës kërkoj që të merren në pyetje dhe të shohim si dhe në çfarë mënyre e kanë zhvilluar procedurën. Në bazë të aktakuzës së ngritur dhe në çfarë bazohet shkenca e veprimtarisë kriminaliste, ju garantoj se kјо procedurë nuk është zhvilluar ashtu siç duhet.”, - deklaroi avokati i Aleksandar Gjorgjievskit, Vlladimir Tufegxhiq.

 

Në këtë kontekst, edhe i akuzuari i parë, Lupço Palevski – Pallço, duke u deklaruar se është i pafajshëm, vlerësoi se ky është rast i montuar politik ndaj tij dhe njëherit tha se nuk e njeh personalisht babain e Vanjës, ndërsa lidhjen mes tyre e ka inskenuar policia. Seanca e radhës gjyqësore është caktuar për më 7 tetor, në të cilën do të duhet të dëshmojë e ëma e së ndjerës Vanja, Zorica Gjorgjievska.