Inspektorati i Tregut në terren, kontrollojnë nëse janë ulur çmimet e produkteve

 

 

“Duhet të shënohet aty në fund të çdo produkti se ka zbritje, të vendosen çmime të reja.”, - tha një qytetar.

 

“Unë bleva mish dhe kishte çmimin e njëjtë, për produktet e tjera nuk di, pasi nuk kam pasur rastin t’i shoh dhe nuk kishte njoftime.”, - tha një qytetare.

 

“Diçka ka zbritje, por shumë pak.”, - u shpreh një qytetar.

 

”Disa produkte, po, kanë çmime më të ulëta, disa jo. Ka zbritje te prodhimet e qumështit.”, - u shpreh një qytetare.

 

“Nuk ka transparencë, diçka që tregon përmes etiketës në vetë produktin, që të na njoftojë se ka zbritje.”, - u shpreh një qytetar.

 

Nga Inspektorati i Tregut thonë se shitësit e produkteve janë të detyruar, që t’i shënojnë të gjitha produktet, të cilat përfshihen nga lirimi i vendimit të Qeverisë dhe të njëjtat duhet të mbajnë etiketën e ngjitur me mbishkrimin “Harxho më pak, më shumë për ty”.

 

Drejtori i IShT-së, Goran Trajkovski, thotë se marzha bruto e fitimit nuk guxon të lëvizë mbi 10%.  Zëvendësministri i Ministrisë së Ekonomisë, Marjan Risteski, ka thënë se çdo sjellje e tregtarëve duke mos respektuar vendimin e Qeverisë, do të sanksionohet.  

 

Nga Inspektorati Shtetëror i Tregut, njoftojnë se gjobat për të gjithë ato të cilët nuk do ta respektojnë këtë masë variojnë nga dy deri në 10 mijë euro dhe  me mbyllje të objekteve. Shporta e vjeshtës do të jetë e vlefshme deri më 31 tetor, e më pas në shportën e pranverës do të përfshihen produktet që përdoren më shumë në atë periudhë të vitit.