Maqedoni

Nga nesër nisin konkurset për projektet me interes kombëtar në kulturë

29.09.2024 14:50

Nga 30 shtatori fillojnë konkurset vjetore për përkrahje të projekteve me interes kombëtar në kulturë për vitin e ardhshëm 2025...

Nga 30 shtatori fillojnë konkurset vjetore për përkrahje të projekteve me interes kombëtar në kulturë për vitin e ardhshëm 2025, tha ministri Lutkov. Përmes këtyre reformave dhe konkurseve jashtëzakonisht të rëndësishme, edhe pse në mungesë të një strategjie kombëtare, do të fillojë të promovohen artistë dhe talente më të mira, shtoi Lutkov. Për herë të parë janë sjellë udhëzime për përcaktimin e projekteve, si dhe për emërimin e anëtarëve të komisioneve që do t'i vlerësojnë ato. Ministri theksoi se buxheti për projektet ka ndarë mjete deri në kufirin më të lartë për të mos lejuar ndarjen e mjeteve, siç tha ai, nga mëngët.

“Ne e kufizuam veten me kaq, kështu që nuk ka minimum, vetëm maksimum. Buxhetin total ne nuk mund ta themi tani sepse buxheti i vitit 2025 nuk është krijuar, ne jemi duke punuar në këtë moment por prandaj janë vendosur rregullat që kur ta dimë dhe buxhetin do të shohim nëse mund ta zgjerojmë kuadrin më shumë. Por tani mund të them që buxheti do të rritet me rreth 70 milionë, ndoshta 100, ndoshta 150 milionë, varet nga krijimi i buxhetit për vitin 2025.”, tha ministri i kulturës Zoran Lutkov.
 
Duke iu përgjigjur pyetjes së gazetarëve se kur do të përfundojë ndërtimi i sallës universale, ministri Letkov tha se kjo do të përfundojë deri në vitin 2025, por në përputhje me ligjin, pasi që për momentin nuk dihet se në pronësi të kujt është. Transferimi i autorizimeve nga Qyteti i Shkupit tek Ministria e Kulturës është bërë në mënyrë të kundërligjshme, dhe për momentin është ndërprerë procedura e rinovimit, për të gjitha këto ka paralajmëruar se do të ketë përgjegjësi penale.
 
MERALE ISMAILI