Ekonomi
Sezoni i ngrohjes fillon më 15 tetor, KRRE: Të kontrollohen instalimet dhe të shlyhen faturat
30.09.2024 14:28
Sezoni i ngrohjes në Shkup për të gjithë shfytëzuesit në rrjetin e ngrohjes qendrore do të fillojë më 15 tetor 2024...
Sezoni i ngrohjes në Shkup për të gjithë shfytëzuesit në rrjetin e ngrohjes qendrore do të fillojë më 15 tetor 2024, me kushte të njëjta si edhe më parë, gjegjësisht me temperaturë të garantuar prej 21 gradë Celsius dhe ngrohje në periudhën nga ora 06:00 deri në orën 22:00.
Në rast se temperatura e jashtme e parashikuar për ditën në vijim është e barabartë ose më e ulët se 12 ºС, atëherë sezoni i ngrohjes mund të fillojë më herët, respektivisht jo më parë se data 1 tetor dhe të mbarojë jo më vonë se më datën 30 prill.
KRRE-ja apelon deri te banorët e banesave, respektivisht komuniteteve të banorëve që t'i kontrollojnë instalimet e brendshme dhe instalimet në objekte dhe t'i paguajnë faturat e energjisë elektrike për nënstacionet e ngrohjes. Njëkohësisht, KRRE-ja edhe me shkresë zyrtare kërkoi nga furnizuesit me energji termike informata për gatishmëri për fillimin e sezonit të ngrohjes.
Nga KRRE gjithashtu njoftojnë se në përputhje me vendimin e fundit të datës 1 gusht 2024, faturat e energjisë temrike për amvisëritë janë më të ulëta për 3,16 %, ndërsa rreth 1200 kompani, shkolla dhe institucione, të cilat janë lidhur me ngrohjen qendrore të qytetit, do të kenë çmim më të lirë për 17 %.