Konferencë për agjendën e BE-së në rajon, Ivanova: Implementoni kushtet, ne jemi për ju

 

“Shohim momentum të ripërtërirë të procesit të zgjerimit dhe ju inkurajoj të gjithëve si vende nga rajoni që t’i implementoni të gjitha kriteret e caktuara në programin tuaj. Që ta mbajmë këtë momentum, ne i kemi bashkuar hapat për agjendën e Ballkanit Perëndimor për inovacione, kulturë, hulumtime, të rinj dhe sport, që ta përshpejtojmë konvergjencën e ekonomisë suaj drejt BE-së dhe së bashku, të sigurojmë kapitalin më me vlerë në rajon, pra, gjeneratat e reja të mund t’i nxjerrin përfitimet e procesit.”, - deklaroi komisionarja për inovacione, kulturë dhe hulumtime, Ilijana Ivanova.

 

 

 

“Ne duam të instalojmë platformë për bashkëpunim dhe inovacione, që do të kontribuojë në masë të madhe për hyrjen e vendeve të Ballkanit Perëndimor në Bashkimin Evropian.”, - theksoi ministri i Hungarisë për Kulturë dhe Inovacione, Balas Hanko. 

 

 

Është në duart e qeverive nacionale ngritja e proaktivitetit për hulumtime shkencore, tha ministrja e Arsimit, Janevska, duke shtuar se me përvoja të përbashkëta  arrihet drejt politikave më adekuate. 

 

“Përvojat tregojnë se takimet e këtilla të organizuara nën ombrellën e Bashkimit Evropian janë gjithmonë mundësi e mirë për mbindërtimin e politikave dhe krijimin e politikave të reja, të cilat duhet t’i tejkalojnë sfidat që janë emërues i yni i përbashkët.”, - u shpreh ministrja e Arsimit, Vesna Janevska. 

 

Këto komente u thanë në takimin ministror dyditor të agjendës së BE-së për Ballkanin Perëndimor për çështjet i inovacionit, kulturës dhe arsimit.