Izraeli kryen sulme të reja në Bejrut

Janë lëshuar disa urdhra evakuimi për njerëzit që jetonin në ndërtesat në periferitë jugore të Bejrutit, në orët e para të së mërkurës. Tash për tash nuk ka raporte për viktima.

 

Forcat Mbrojtëse të Izraelit filluan qysh të martën një operacion tokësor kundër objektivave të Hezbollahut - organizatë e cilësuar si terroriste nga ShBA-ja në Libanin jugor. Sulmet e reja u kryen disa orë pasi Irani sulmoi me rreth 180 raketa Izraelin, në shenjë hakmarrjeje për, siç tha, vrasjen e aleatëve të tij në Liban. Irani, gjithashtu paralajmëroi “sulme shkatërruese”, nëse Izraeli përgjigjet.