Kuvendi i Shqipërisë u kthye në arenë përplasjesh, nuk munguan flakët

 

Ndonëse të përjashtuar, deputetët e opozitës nuk lejuan të hynin në Kuvend as kolegët e opozitës, çka solli përplasjen e tyre me gardën.

 

Bllokada e demokratëve zgjati për minuta të tëra, derisa socialistët gjetën zgjidhje duke u futur nga dyert e emergjencave. 4 manekinë, me imazhin e kryeministrit, Edi Rama; ish-ministrit të Brendshëm, Fatmir Xhafaj dhe vëllezërve të tyre, Olsi Rama e Geron Xhafaj, u vendosën në oborrin e Parlamentit, aty ku edhe iu vu flaka.

4 manekinë, me imazhin e kryeministrit Edi Rama, ish ministrit të Brendshëm Fatmir Xhafaj dhe vëllezërve të tyre Olsi Rama e Geron Xhafaj u vendosën në oborrin e parlamentit, aty ku edhe iu vu flaka. Pasi manekinët u dogjën dhe u mbeti vetëm hiri, opozitarët u larguan. Gazment Bardhi dha këtë përgjigje për aksionin.

"Nëse ju duket jetë normale parlamentare kur kryetarja hyn si mi, mua nuk më duket normale. Ligjet mjafton të mblidhen te vila e Ramës në Surrel dhe mund ti miratojnë. Deputetët nuk lejohen të ushtrojnë punën me forca sigurie. Nuk bën asgjë më shumë dhe as më pak Putini. Sjell deputetët e tij si dele dhe vetë fshihet në Surrel dhe shijon luksin e krijuar me paratë e vjedhura të qytetarëve të varfër. Ne do vazhdojmë si të na teket. Rast pas rasti do vazhdojmë me këtë godinë, me godinën e kryeministrisë dhe cdo godine tjetër. Nuk ka pasur asnjë marrëveshje me Edi Ramën. Kemi detyruar Edi Ramën të njohë ato të drejta dhe ato kushte që kishte vendosur opozita në kuadër të atij aksioni”, tha Bardhi.

Për ministrin për Marrëdhëniet me Parlamentin, Taulant Ballën, e gjitha lidhet me integrimin në BE.

“Kemi një situatë që qytetarët e kanë parë shpesh. Kush mendon se të përsërisësh të njëjtën marrëzi dhe të presësh rezultat të ndryshëm, e ka gabim, thoshte Einstein. Në këtë këndvështrim, apeli im si koleg, është që dhuna nuk ka vend në një demokraci dhe nëse unë do të isha deputet i opozitës do ta përdorja nderin e madh që më ka bërë populli të jem përfaqësuesi i tyre në kuvend”, u shpreh Taulant Balla.

 

Ekspertët e kriminalistikës bënë inspektimet për dëmet në Kuvend, për të vendosur më pas nëse edhe provat e reja do të dërgohen sërish në SPAK, njëjtë si disa ditë më parë deputetët zjarrvënës.