Hakeret rus kan lexuar sekretet e presidentit Obama

‘Hakerët’ rus që vitin e kaluar arritën të futen në sistemin kompjuterik të Shtëpisë së Bardhë kanë lexuar postën elektronike sekrete të presidentit amerikan Barak Obama. 

 

Një lajm i tillë është publikuar në gazetën ‘New York Times” duke cituar zyrtarë amerikan.

 

Zëdhënësja e Shtëpisë së Bardhë nuk ka pranuar ta komentojë këtë raport, mirëpo gjatë këtij muaji, Shtëpia e Bardhë e ka konfirmuar futjen e ‘hakerëve’ rusë në sistemin kompjuterik të Shtëpisë së Bardhë.

 

Presidenca amerikane megjithatë kishte thënë se sulmi kibernetik ka ndodhur vitin e kaluar dhe se materialet sekrete nuk janë prekur.

 

Gazeta amerikane ka shkruar se sulmi ka qenë “shumë më ndërhyrës dhe shqetësues se sa që është pranuar publikisht”.