VLEN: BDI-ja tradhtoi shqiptarët për interesa të veta

 

“Ku përfunduan 14 milionë euro borxhe të shlyera ndaj kompanive furnizuese me energji elektrike, pronarë të të cilave ishin fëmijë dhe të afërm nga krahu i BDI-së dhe LSDM-s? Ku përfunduan afër 400 mijë euro të ndara në mënyrë të paligjshme si sponzorime për studio të ndryshme të fitnesit dhe klubet sportive nga MEPSO-ja pa asnjë kriter dhe transparencë? Ku përfunduan paratë e koncesioneve të ndara për dhjetëra e dhjetëra koncesione për centrale fotovoltaike dhe hidrocentrale, që iu ndanë fëmijëve dhe të afërmve të të njëjtëve zyrtarë të Qeverisë së mëparshme? Ku kanë përfunduar paratë e furnizimeve kriminale për mazut në katër sy për nevojat e TEC Negotinë të kryera me kompani të dyshimta në të kaluarën? A do t’u shpjegojë BDI-ja votuesve të saj, por edhe të gjithë votuesve shqiptarë se ku kanë përfunduar paratë e marra nga njerëzit tanë në qindra vendet e bixhozit që u hapën gjatë mandateve të tyre? A do të tregojë BDI-ja se për interesat dhe llogarinë e kujt punonte kompania “EUROVIA”, e cila fitonte të gjithë tenderët në disa ministri të udhëhequra nga kuadro të BDI-së?”, - u shpreh Saranda Imeri nga VLEN-i.

 

Theksojnë se BDI-ja duhet të pranojë se është opozitë, ndërsa VLEN-i do të punojë në interes publik dhe do të bëjë gjithçka për nevojat e qytetarëve.