Tejkalimi i problemit me Bullgarinë, Mickoski: Për detajet do ta njoftoj opozitën

 

“Nuk po e përsërisim të njëjtin gabim dhe nuk do ta përsërisim. Kur ka diçka për të cilën duhet të informohet opozita, atëherë më besoni, do ta informojmë menjëherë. Domethënë të ketë të paktën ndonjë progres që ta ndajmë me opozitën. Para se të pranohet i ashtuquajturi Propozimi francez, ne kishim konferenca për shtyp për dy muaj resht në të cilën kërkuam përfshirjen e opozitës, sepse kishim informacione se kjo dhe ajo po ndodhte. Ne thirrëm, mos e bëni, do të bëni gabim, thanë që nuk janë të interesuar, do ta bëjmë vetë procesin. Dhe ne pamë se sa larg e çuan. Në momentin e parë kur do të ketë ndonjë ndryshim do t’i informojmë, do ta thërras personalisht dhe do ta thërras dhe një takim liderësh me të gjithë dhe do t’i njoftoj me progresin apo zgjidhjen e mundshme.”, - deklaroi kryeministri, Hristijan Mickoski.

 

 

Ndërkohë nga LSDM-ja vazhdojnë të kërkojnë përgjigje nga kryeministri Mickoski, sa i përket çështjes për thirrjen e seancës parlamentare për integrimet evropiane të Maqedonisë dhe shpalosjen e planit të veprimit.

 

 

Nga LSDM-ja theksojnë se janë të gatshëm të mbështesin një strategji që do të përmirësojë pozitat dhe do të vazhdojë rrugën evropiane të shtetit, por nuk do të pranojë premtime boshe, bllokim të proceseve dhe manipulim të opinionit.