Sulmet ajrore izraelite, në Bejrut rrafshuan një ndërtesë banimi

Izraeli ka kryer deri tani sulmet më vdekjeprurëse në rajon. Një ndërtesë apartamentesh duket e rrafshuar në qendër të Bejrutit.

Objektivi i Tel Avivit ishte një komandant i lartë i Hezbollahut, i cili thuhet se i mbijetoi sulmit. Në Gazë, një shkollë është goditur, ndërsa bastisjet dhe përleshjet vazhdojnë në Bregun Perëndimor. Numri i viktimave dhe të plagosurve po rritet. OKB-ja ka dha alarmin.

“Konflikti shkatërrues në Liban, sulmet e intensifikuara në Siri, dhuna në Gazë dhe Bregu Perëndimor po e çojnë rrezikshëm rajonin në prag të një lufte gjithëpërfshirëse. Hezbollahu dhe grupet e tjera të armatosura duhet të ndalojnë sulmet ndaj Izraelit, ashtu si Izraeli duhet të ndalojë bombardimin e Libanit dhe të tërheqë forcat e tij tokësore.”, tha nënsekretarja e përgjithshme e OKB-së për Çështjet Politike dhe Paqes, Rosemari Di Karlo.

Një sërë reagimesh dhe dënimesh vijnë edhe nga komuniteti ndërkombëtar pasi u godit baza e OKB-së në Libanin Jugor, ku u plagosën dy paqeruajtës.

Shtetet e Gjirit po lobojnë në Uashington për të parandaluar hakmarrjen kundër Iranit, nga frika se objektet e tyre të naftës mund të kërcënohen gjithashtu.