Mbledhje urgjente e qeverisë Izraelite, merret një vendim për të sulmuar Iranin

 

 

“Këtu, në këtë fshat, kishte terroristë të fshehur. Betejat ballë për ballë. Ushtarët e mi i shikojnë terroristët në sy dhe i luftojnë ata në rrugë," u shpreh një kolonel i Forcave të Mbrojtjes të Izraelit, Yaniv Malka.

 

Katër vullnetarë të Kryqit të Kuq u goditën në një sulm ajror në Libanin jugor. Në Gaza – sulme të reja dhe viktima civile në Nuseyrat dhe Jabalia.

 

“Ata i bombarduan derisa ai dhe gruaja e tij ishin në shtëpinë e tyre, të sigurt, ndërsa ata ishin duke fjetur, të gjithë fëmijët e tij u vranë”. Ata u zhdukën të gjithë në një çast”, theksoi vëllai i një viktime Mohammad Abu Ghali.

 

"Ata hodhën fletëpalosje, ne u larguam për të kërkuar një vend të sigurt për të qëndruar, por nuk ka vend të sigurt këtu", theksoi një banor i Jabaliya, Saed Mohra.

 

Presidenti francez Macron u bëri thirrje militantëve të ndalojnë sulmet ndaj Izraelit. Kryetari i parlamentit iranian, i cili vizitoi Bejrutin pas sulmeve vdekjeprurëse izraelite, premtoi mbështetje për popullin libanez dhe palestinez.

 

“Irani është i gatshëm të dërgojë ndihmë për të lënduarit, të zhvendosurit nën mbikëqyrjen e qeverisë libaneze nëse qeveria krijon një korridor ajror në Bejrut” , u shpreh kryetar i parlamentit të Iranit, Mohammad Bagher Ghalibaf.

 

Në një deklaratë nga Pentagoni, pas bisedës së sekretarit amerikan të Mbrojtjes Austin me homologun e tij izraelit Gallant, u theksua mbështetja e palëkundur e SHBA-së për Izraelin.