Sulme midis Izraelit dhe Hezbollahut, dhjetëra viktima në një shkollë dhe kamp

 

"Ne do të hetojmë se si avioni mund të depërtojë dhe të rrëzohet në bazë pa paralajmërim.", - deklaroi zëdhënësi i Forcave Izraelite, Daniel Hagari.

 

Ndërkohë në Libanin jugor ka ndodhur një incident i ri me UNIFIL-in, ku tanket izraelite depërtuan në portën e bazës. Kjo është konfirmuar nga Izraeli, të cilët thonë se ishin nën zjarr derisa tanket po përpiqeshin të evakuonin ushtarët e plagosur. Ata publikuan një video të armëve të Hezbollahut të stacionuara 500 metra larg bazës UNIFIL.

 

"Është shumë e çuditshme se si baza e OKB-së nuk e pa këtë aktivitet të Hezbollahut këtu.", - theksoi komandanti i Divizionit 146 të Forcave Izraelite, Jiftah Nurkin.

 

UNIFIL-i ka dështuar në përputhje me Rezolutën 1701 të OKB-së, thotë Izraeli, dhe për këtë arsye operacionet do të vazhdojnë. Ata u bënë thirrje paqeruajtësve që të largohen nga zona.

 

“Situata sa vjen e përkeqësohet. 27 anëtarët ranë dakord t'i kërkojnë Izraelit të ndalojë sulmet ndaj UNIFIL-it dhe të mos fajësojë Guterresin për qëndrimin ose jo të paqeruajtësve, sepse është Këshilli i Sigurimit ai që merr vendime të tilla dhe jo ai personalisht.”, - u shpreh përfaqësuesi i lartë i Unionit për Punë të Jashtme, Xhosef Borrell.

 

Pas njoftimeve të Tel Avivit për reagimin hakmarrës të Iranit, Teherani është i vendosur se nuk do të ketë vija të kuqe në mbrojtje.

 

“Ekziston mundësia e konfrontimit kundër agresionit izraelit. Republika Islamike është e gatshme për luftë nëse është e nevojshme, por ne jemi po aq të gatshëm për paqe.”, - theksoi ministri i Jashtëm i Iranit, Abas Aragçi.

 

Irani ka paralajmëruar ShBA-në që të mbajnë forcat e tyre ushtarake jashtë Izraelit, pasi Uashingtoni njoftoi vendosjen e një sistemi të ri antiraketor në rajon.