Tragjike në Nigeri! Shpërthen cisterna me karburant, të paktën 94 të vdekur

Të paktën 94 njerëz u vranë në Nigerinë veriore kur një cisternë u përplas dhe shpërtheu pranë banorëve vendas që ishin mbledhur për të marrë karburant. 

 

Numri i viktimave pritet të rritet nga shpërthimi, i cili ndodhi vonë në mbrëmjen e djeshme në Majiya, një fshat në shtetin Jigawa.

 

“Shoferi humbi kontrollin dhe cisterna u rrëzua dhe derdhi karburant në një kanal kullues,” tha zëdhënësi i policisë së Jigawa, Shiisu Lawan Adam.

 

 

Ai tha se të paktën 50 njerëz u plagosën rëndë, duke shtuar se numri i të vdekurve ishte i përkohshëm.