Eurointegrimi, Mickoski: Nga Berlini u ktheva me optimizëm

 

“Patëm takim që më bëri më shumë optimist nga ajo sa isha para takimit. Në margjina të drekës së punës, por edhe në takimet tjera që i patëm, shoh se ka iniciativa të cilat i përmendi vetë ministrja Berbok në preskonferencë pas takimit me ministrin Mucunski dhe mendoj se tërë ajo që e udhëhoqa si bisedë, mesazhin që e përcolla dhe mesazhin që e mora, ka dhënë vlerë po qe se krahasohet para shkuarjes sime atje. Për interes të bisedimeve dhe pritjeve që i kam për të ardhmen në drejtim të asaj se si do të rrjedhin punët, nuk do doja të ndaj publikisht detaje, por jam shumë më shumë optimist.”, - deklaroi kryeministri, Hristijan Mickoski.

 

Takimet e kryeministrit Mickoski me zyrtarët evropianë e kanë bërë të hamendur atë nëse do t’ia dërgojë BE-së letrën e paralajmëruar me propozime të reja për vazhdimin e negociatave. Pret që gjërat të diskutohen më thellësisht gjatë vizitës së kryetares së KE-së në vendin tonë të paralajmëruar për 24 tetor.

 

“Kam dilemë personale, sepse pata mundësi të gjithë t’i njoftoj me pjesë të konsiderueshme të përmbajtjes së letrës, pra kam dilemë nëse duhet ta dërgoj.”, - theksoi kryeministri, Hristijan Mickoski.