ASK, LSDM-ja kërkon shkarkimin e drejtorit të emëruar

 

 

“ASK-ja u reformua dhe profesionalizua, ndërkaq me këtë veprim, Qeveria e Mickoskit godet seriozisht profesionalizmin dhe sigurinë. Tani Mickoski dhe VMRO – DPMNE-ja jo vetëm që po realizojnë partizim të rrezikshëm, por venë në pikëpyetje sigurinë e shtetit. Pyesim se si Hristovski e ka kaluar kontrollin e sigurisë?”, - deklaroi deputeti i LSDM-së, Mile Taleski. 

 

 

Për kryeministrin Hristijan Mickoski nuk është problematik emërimi i Hristovskit, madje sipas tij është edhe i merituar.

 

“Hristovski ka marrë certifikatë sigurie dhe nuk shoh arsye përse njeriu i cili ka kaluar thuajse gjithë kohën në sektorin e sigurisë, e të mos ushtrojë detyrën menaxhuese në ASK. Ka shumë struktura të frikësuara dhe ka për çfarë të frikësohen, e që janë pjesë e ish-pushtetit. Periudhën që vjen, do ta kuptoni të vërtetën.”, - theksoi kryeministri, Hristijan Mickoski. 

 

Sipas Mickoskit, gjatë transformimit të DSK-së në ASK, Hristovskit padrejtësisht nuk i është dhënë certifikata e sigurisë. Bojan Hristovski certifikatën e ka kthyer me procedurë gjyqësore për t’u rikthyer në MPB dhe tani është drejtori i tretë me radhë i ASK-së. Kjo agjenci u formua në vitin 2019 si pasojë e keqpërdorimeve partiake dhe përgjimeve të jashtëligjshme nga ish-DSK-ja në krye me Sasho Mijallkovin.